Кондак 1 Богоизбранне Руси искупление и Христовой любви воплощение, воспеваем ти похвальная, яко паче всего Отечество свое возлюбившему, ты же, яко имеяй дерзновение ко Господу, просвети омраченныя умы и сердца наша, да зовем ти: Радуйся, Царю Николае, искупителю греха измены народа Русского! Икос 1 Ангелов Творец посла тя земле Русской, яко ангела незлобия и вразумления к народу твоему, тя бо избра по образу Сына Своего Единороднаго в жертву искупления за грех народа Русского, мы же, дивящеся таковому о тебе промышлению Вседержителя, с умилением вопием ти: Радуйся, Христу уподобление! Радуйся, жертво всесожжения! Радуйся, Русских царей украшение! Радуйся, незлобия и всепрощения образ подавый! Радуйся, обидимых неложное упование! Радуйся, веры нерушимое основание! Радуйся, Николае, Царю-искупителю греха измены народа Русского!
Кондак 2 Видящи всеблагая Богомати в уделе Своем страну нашу мерзостию растления оскверняему, избра тя от рождения, яко чистейшаго, Руси бо во очищение, да вси надгробное рыдание тебе творим песнь: Аллилуиа. Икос 2 Разум Предвечный предуведе тя ко спасению и житию твоему прообразование Иова многострадальнаго, рождение твое и память праведника сочетавая. Мы же, наш грех неверности тебе поминающе, с трепетом сердечным и сокрушением душевным вопием ти сице: Радуйся, хулы и напасти от народа твоего претерпевый! Радуйся, веру до конца сохранивый! Радуйся, образе кротости! Радуйся, светильниче правды! Радуйся, блюстителю Богопочтения! Радуйся, правило смирения! Радуйся, Царю Николае, искупителю греха измены народа Русского!
Кондак 3 Сила Вышняго осени тя, Боговенчанне Царю Николае, лжемудрствующу западу вразумление противоратное соделавшаго, да мир Богу возопиет: Аллилуиа. Икос 3 Имея тщание о вразумлении заблудших, поревновал еси благоверный Царю, храмов созиданию, мощей святых угодников Божиих прославлению, просвещения христианскаго насаждению и обездоленных от насилия ограж-дению, да мир христианский вопиет ти таковая: Радуйся, святителя Николая на земли соимените! Радуйся, преподобнаго Серафима на Небеси сомолитвенниче! Радуйся, православия насадителю! Радуйся, света Христова носителю! Радуйся, терпения христианскаго учителю! Радуйся, православным христианом заступниче! Радуйся, Царю Николае, искупителю греха измены народа Русского!
Кондак 4 Бури безумия и злоречия не убоялся еси, Царю-искупителю Николае, егда согласие со враги на пагубу Отечества отвергл еси, злохуления, заточение и умерщвление претерпел еси, вопия Богу Вседержителю: Аллилуиа. Икос 4 Слышаще державы Русския нестроение и видяще христиан разделение, молился еси, не преставая, да спасет Всеблагая Русь православную. Сего ради вопием ти: Радуйся, молитвы кадило благовонное! Радуйся, лампадо веры неугасимая! Радуйся, буйствующих кротостию вразумление! Радуйся, неутешных в скорбех утешение! Радуйся, Небесных благ любителю! Радуйся, правды ревнителю! Радуйся, Царю Николае, искупителю греха измены народа Русского!
Кондак 5 Боготечная звездо россияном в разсеянии сущым явился еси, Царю Николае, о имени твоем во едино их собирая и путь Христов к воскресению земли Русской показуя, да поют ангели песнь о кающихся грешницех: Аллилуиа. Икос 5 Видя, яко кротость и смирение твое ничтоже успевают, все упование на Пречистую возложил еси и в руце Вседержителя всего себе предал еси, да и безумныя вразумит во еже пети тебе: Радуйся, гордыни победителю! Радуйся, венца Небеснаго носителю! Радуйся, немощных стено необоримая! Радуйся, гордых вразумителю! Радуйся, к людям своим любовь преизобильная! Радуйся, за измену нашу жертво усердная! Радуйся, Царю Николае, искупителю греха измены народа Русского!
Кондак 6 Проповедуют концы вселенныя славу твою, во всю землю изыде слово твое, яко несть тоя жертвы, юже не принесл бых за благо Отечества своего, научая тем люди твоя благодарственно пети Богу: Аллилуиа. Икос 6 Возсиял еси паче солнца земли Русской, Царю Николае, православному народу заступление даже до смерти явивый, да вси ко Христу обращаются и к тебе прибегают, сего ради воспеваем ти таковая: Радуйся, свете от востока исшедый! Радуйся, образе царем православным! Радуйся, правды сияние неистощимое! Радуйся, кротости светило незаходимое! Радуйся, грешников отчее вразумление! Радуйся, праведников усердное прославление! Радуйся, Царю Николае, искупителю греха измены народа Русского!
Кондак 7 Хотяй веру православную на земли утвердити, подвигл еси все царство твое на заступление обидимыя страны Сербския, да вси вопиют Богу: Аллилуиа. Икос 7 Новаго тя Ноя, строителя спасения народу Русскому яви Господь, да вси труды твоя поминающе, непрестанно воспеваем ти сицевая: Радуйся, Русского корабля водителю! Радуйся, славян в бедах утешителю! Радуйся, Сербстей страны заступление! Радуйся, русских окормление! Радуйся, миролюбия возвестителю! Радуйся, христианских добродетелей насадителю! Радуйся, Царю Николае, искупителю греха измены народа Русского!
Кондак 8 Странное чудо видим на тебе, Николае, десницею Всевышняго многажды спасаеме, со чады же и сродники мученическим венцем венчаеме, да Богу Промыслителю всяческих вопием: Аллилуиа. Икос 8 Весь еси всем христианом заступник явился еси, Богоизбранне Николае, сугубое за-ступление народом славянским показуеши, на похвалу подвизая пети тебе: Радуйся, защито обидимых! Радуйся, вразумление обидящих! Радуйся, скорбных прибежище! Радуйся, гонимых заступниче! Радуйся, в житии твоем миротворче! Радуйся, по убиении твоем христианом поборниче! Радуйся, Царю Николае, искупителю греха измены народа Русского!
Кондак 9 Всякими чудесы яви Господь благоволение Свое Русским людем, дондеже преогорчиша Господа зело, но тобою к покаянию призываемы, купно воспоим Богу: Аллилуиа. Икос 9 Ветия многовещанныя, яко рыбы безгласнии, не возмогут возрещи высоту твоего терпения, мы же глубину падения нашего созерцающе, в сокрушении духа взываем: Радуйся, терпение необоримое! Радуйся, верносте христиан непоколебимая! Радуйся, гордыни сокрушение! Радуйся, безумных умудрение! Радуйся, образ верным в житии и мученичестей кончине давый! Радуйся, за грех народа своего пострадавый! Радуйся, Царю Николае, искупителю греха измены народа Русского!
Кондак 10 Спастися хотяй всем человеком, иже на крови мучеников Своих Церковь основавый, Сердцеведец Христос положи тя, Царю-искупителю Николае, во основание новыя храмины державы Русския, да вси в ней сущия вопиют Богу: Аллилуиа. Икос 10 Стена еси всем к тебе с верою прибегающим и необоримое ограждение миру православному еси, научая вся верныя славити тя сице: Радуйся, на земли Небес-ных явление! Радуйся, оску-девающих добродетельми вос-полнение! Радуйся, заре в земли Русской возсиявшая! Радуйся, реко, все пределы ея напитавшая! Радуйся, смирен-номудрия учителю! Радуйся, веры и любви насадителю! Радуйся Царю Николае, искупителю греха измены народа Русского!
Кондак 11 Пение Пресвятей Троице даже до смерти приносяще, течение скончал еси и веру соблюл еси, еюже вся православныя христианы подвизаеши пети: Аллилуиа. Икос 11 Светодателем послан быв земли нашей, яко Агнец непорочный, полагаешися во искупление греха нашего, да вси непрестанно тя славим: Радуйся, боголюбезная жертво! Радуйся, любвеобилие неистощимое! Радуйся, верности Христовы похвало! Радуйся, всеяние Духа незримое! Радуйся, зерцало премудрости! Радуйся, ненадеющихся надеждо! Радуйся, Царю Николае, искупителю греха измены народа Русского!
Кондак 12 Божественная благодать немощная врачующи предуведе тя, яко врачевство неистощимое владомым твоим, вопиющим Богу: Аллилуиа. Икос 12 Поюще страдания твоя, Царю-искупителю Николае, покланяемся терпению твоему, яко силе Всемощныя Троицы явльшейся на тебе, да вси согласно вопием: Радуйся, возлюбленное чадо Христово! Радуйся, непорочная чада твоя и верныя слуги ко Христу приведый! Радуйся, Царице праведною и мученицею быти пособствовавый! Радуйся, народ твой истине наставивый! Радуйся, Отечества чести не посрамивый! Радуйся, Царство Небесное стяжавый! Радуйся, Царю Николае, искупителю греха измены народа Русского!
Кондак 13 О пречудный и преславный Царю-искупителю Николае, призри на царство твое земное и люди твоя, всякаго бо ответа о гресе нашем недоумеем, и умоли Вседержителя, да не внидет в суд с нами, но сподобит ны не-престанно воспевати: Аллилуиа.
Этот кондак читается трижды, затем икос 1 и кондак 1.
Тропарь.
Молитва св. Царю-искупителю Николаю Второму
Святый Царю-искупителю Николае, спаси Россию от соборной смерти, и моли Бога спастися душам нашим. Аминь.
Слова Государя Императора Николая Второго: «Если для спасения России нужна искупительная жертва, я буду этой жертвой. Да будет воля Божия».
Праведники Божии о святом Царе-искупителе Николае Втором.
Преподобный Серафим (Мошнин), старец Саровский (в 1824 г.): «Будет Царь, который меня прославит, после чего будет великая смута на Руси, много крови потечет за то, что восстанут против этого Царя и его Самодержавия, Ангелы не будут успевать брать души, все восставшие погибнут, а Бог Царя возвеличит. »
Преподобный Алексий (Шепелев), старец Голосеевский (в 1916 г.): «Боже мой, Боже мой! Много изменников окружают Царя. Много прольется христианской крови.»
Преподобный старец Корнилий Крыпецкий (в 1890 г.): «Не будет у нас Царя, сменят его на плохого хозяина. За это народ будет наказан на три поколения.»
Преподобный Нектарий (Тихонов), старец Оптинский (в 1917 г.): «1918 год будет еще тяжелее: Государь и вся его Семья будут убиты, замучены. Да, этот Государь будет велико-мученик».
Святой праведный Иоанн (Сергиев) Кронштадтский (в 1903 г:): «Царь у нас праведной и благочестивой жизни, Богом послан ему тяжелый крест страданий, как Своему избраннику и любимому чаду. Как Равноапостольный царь Константин Он держит высоко и славно знамя веры Христовой и всем сердцем предан Царю-царей, глубоко почитая друзей Его — святых Его, Он подает всем православным пример искреннего благочестия. »
Преподобный Анатолий (Потапов), старец Оптинский (в 1915 г.): «Нет греха больше, как противление воле Помазанника Божия! Судьба Царя — судьба России. Радоваться будет Царь, радоваться будет и Россия. Заплачет Царь, заплачет и Россия, а. не будет Царя, не будет и России. Как человек с отрезанной головою уже не человек, а смердящий труп, так и Россия без Царя будет трупом смердящим.»
Прп. Лаврентий (Проскура), старец Черниговский (в 1948 г.): «Русские люди будут каяться в смертных грехах: что попустили жидовскому нечестию в России, не защитили Помазанника Божия Царя. »
Преподобный Кукша (Величко) старец Одесский (в 1950 г.): «Если где найдете золотую или серебряную монету с изображением Императора Николая II, то вставьте в оправу или просверлите вверху дырочку, наденьте на цепочку и носите, как святой медальон, вместе с крестом. И если вам кто-нибудь скажет, что Царь Николай II или кто-то из членов его Семьи жив, не верьте — все они мученики.»
Вскоре после февральской революции 1917 года митрополиту Макарию (ныне Святитель Макарий (Невский), беззаконно удаленному с Московской кафедры «временным правительством», было чудное сонное видение: «Вижу я поле. По тропинке идет Спаситель. Я за Ним и все твержу: — Господи, иду за Тобой! А Он, оборачиваясь ко мне, все отвечает: — Иди за Мной! Наконец подошли мы к громадной арке, разукрашенной цветами. На пороге арки Спаситель обернулся ко мне и вновь сказал: — Иди за Мной! И вошел в чудный сад, а я остался на пороге и проснулся. Заснувши вскоре, я вижу себя стоящим в той же арке, а за нею со Спасителем стоит Государь Николай Александрович. Спаситель говорит Государю: — Видишь в Моих руках две чаши: вот эта горькая для твоего народа, а другая сладкая для тебя. Государь падает на колени и долго молит Господа дать ему выпить горькую чашу вместо его народа. Господь долго не соглашался, а Государь все неотступно молил. Тогда Спаситель вынул из горькой чаши большой раскаленный уголь и положил его Государю на ладонь. Государь начал перекладывать уголь с ладони на ладонь и в то же время телом стал просветляться, пока не стал весь пресветлый, как светлый дух. На этом я опять проснулся. Заснув вторично, я вижу громадное поле, покрытое цветами. Стоит среди поля Государь, окруженный множеством народа, и своими руками раздает ему манну. Незримый голос в это время говорит: «Государь взял вину русского народа на себя, и русский народ прощен!»» Из любви к своему народу Государь Николай Второй молитвенно просил Господа переложить на него наказание, заслуженное его народом. Но справедливый Господь так и не дал Царю выпить горькую чашу вместо народа. Сам Спаситель мира возложил на Государя иной крест; Господь призвал его совершить подобие Своего славного Искупительного подвига, для чего и возложил ему на ладонь раскаленный уголь.
Избра́нный от рожде́ния страстоте́рпче и Христо́вы любве́ воплоще́ние, воспева́ем ти́ Похва́льная, я́ко па́че всего́ Оте́чество твое́ возлюби́вшему, ты́ же, я́ко име́яй дерзнове́ние ко Го́споду, просвети́ омраче́нныя умы́ и сердца́ на́ша, да зове́м ти́:
Ра́дуйся, Нико́лае, боговенча́нный царю́ и вели́кий страстоте́рпче.
И́кос 1.
А́нгелов Творе́ц посла́ тя земли́ Росси́йстей я́ко а́нгела незло́бива на вразумле́ние люде́й твои́х, тя́ бо избра́ по о́бразу Сы́на Своего́ Единоро́днаго в же́ртву искупле́ния за грехи́ люде́й Росси́йских, мы́ же, дивя́щеся таково́му о тебе́ промышле́нию Вседержи́теля, с умиле́нием вопие́м ти́:
Ра́дуйся, Нико́лае, боговенча́нный царю́ и вели́кий страстоте́рпче.
Конда́к 2.
Ви́дящи всеблага́я Богома́ти во уде́ле Свое́м страну́ на́шу ме́рзостию растле́ния оскверня́емую, избра́ тя от рожде́ния, я́ко чисте́йшаго, Руси́ во очище́ние, да вси́ несумне́нною наде́ждою твори́м пе́снь: Аллилу́иа.
И́кос 2.
Ра́зум предве́чный предуста́ви тя́ ко спасе́нию в житии́ твое́м, И́ову Многострада́льному, рожде́ние твое́ и па́мять пра́ведника сочетава́я. Мы́ же, во страда́ниих за грехи́ на́ша, па́че же за отступле́ние от тебе́, пома́занника Бо́жия, со тре́петом смире́нным и сокруше́нием серде́чным вопие́м ти́ си́це:
Ра́дуйся, хулы́ и напа́сти от наро́да твоего́ претерпе́вый: ра́дуйся, сострада́ние к нему́ до конца́ име́вый.
Ра́дуйся, Нико́лае, боговенча́нный царю́ и вели́кий страстоте́рпче.
Конда́к 5.
Боготе́чная звезда́ россия́ном ве́рным в разсе́янии су́щым яви́лся еси́, о и́мени твое́м во еди́но и́х собира́я и пу́ть покая́ния к Руси́ возрожде́нию показу́я, да возра́дуются А́нгелы о гре́шницех ка́ющихся взыва́юще: Аллилу́иа.
И́кос 5.
Ви́дя я́ко кро́тость и смире́ние во обраще́ние не успева́ет, все́ упова́ние на Ма́ти Бо́жию возложи́л еси́ и в ру́це Вседержи́теля всего́ себе́ преда́л еси́, да и безу́мныя вразуми́т во е́же пе́ти тебе́:
Ра́дуйся, Нико́лае, боговенча́нный царю́ и вели́кий страстоте́рпче.
Конда́к 8.
Стра́нное чу́до ви́дим на тебе́, ра́бе Бо́жий благи́й и ве́рный, десни́цею Вы́шняго мно́гажды охраня́емем с цари́цею же и ча́ды и слуги́ твои́ми му́ченическим венце́м венча́емем, сего́ ра́ди вни́де в ра́дость Го́спода твоего́, мы́ же промысли́телю вся́ческих вопие́м: Аллилу́иа.
И́кос 8.
Вси́ пое́м по́двиг ва́ш кре́пкий, почита́ем страда́ние, хва́лим долготерпе́ние, ублажа́ем кончи́ну ва́шу. Вои́стинну, что́ добро́ или́ что́ красно́, но е́же жи́ти, па́че умре́ти, вку́пе во Христе́ Иису́се за лю́ди своя́? Мы́ же, недосто́йная ча́да ва́ша, еди́ными усты́ и еди́ным се́рдцем сла́вим и воспева́ем имена́ ва́ша си́це:
Светода́телем по́слан бы́в земли́ на́шей, я́ко а́гнец непоро́чный, полага́ешися в же́ртву за грехи́ на́ша, да в покая́нии у́зрим све́т и вопие́м ти́ си́це:
Ра́дуйся, о́браз жития́ и кончи́ны святы́я да́вый: ра́дуйся, за грехи́ земли́ своея́ пострада́вый.
Ра́дуйся, за враго́в свои́х моли́вый: ра́дуйся, мучи́телей свои́х прости́вый.
Ра́дуйся, в житии́ твое́м миротво́рче: ра́дуйся, на Небесе́х Христиа́ном побо́рниче.
Ра́дуйся, Нико́лае, боговенча́нный царю́ и вели́кий страстоте́рпче.
Конда́к 12.
Благода́ть от Бо́га даде́ся тебе́, Нико́лае, моли́тися за ны́, о проще́нии за отступле́ние на́ше от тебе́, пома́занника Бо́жия, и от насле́дия святы́х оте́ц, но с упова́нием кре́пким вопие́м: Аллилу́иа.
И́кос 12.
Пою́ще страда́ния твоя́, страстоте́рпче святы́й, покланя́емся благода́ти Всесвята́го Ду́ха, я́вльшейся на тебе́, да вси́ согла́сно вопие́м:
Ра́дуйся, Нико́лае, боговенча́нный царю́ и вели́кий страстоте́рпче.
Конда́к 13.
О, свяще́нная главо́, пома́занниче Бо́жий, му́чениче святы́й Царю́ нико́лае, при́зри на ца́рство твое́ земно́е и на лю́ди твоя́, и умоли́ вседержи́теля, да не вни́дет в су́д с на́ми, но да пода́ст на́м: ве́лие проще́ние, воста́ние от паде́ния и ца́рства правосла́внаго воскресе́ние, вопию́щым непреста́нно: Аллилу́иа.
Этот конда́к читается трижды, затем и́кос 1-й и конда́к 1-й.
Моли́тва свято́му страстоте́рпцу царю́ никола́ю.
О, святы́й страстоте́рпче царю́ му́чениче Нико́лае, пома́занника своего́ тя́ Госпо́дь избра́, во е́же ми́лостивно и пра́во суди́ти лю́дем твои́м, и храни́теля ца́рства правосла́внаго бы́ти: ца́рское служе́ние сие́ и о душа́х попече́ние со стра́хом Бо́жиим соверша́л еси́. Испыту́я же тя́, я́ко зла́то в горни́ле, ско́рби го́рькия Госпо́дь ти́ попусти́, я́ко же И́ову Многострада́льному, последи́ же престо́ла ца́рскаго лише́ние и му́ченическую сме́рть посла́ ти. Вся́ сия́ кро́тко претерпе́вый, я́ко и́стинный ра́б Христо́в, наслажда́ешися ны́не вы́шния сла́вы у Престо́ла все́х Царя́, ку́пно со святы́ми му́ченики: свято́ю цари́цею Алекса́ндрою, святы́м царе́вичем Алекси́ем, святы́ми царе́внами О́льгою, Татиа́ною, Мари́ею и Анастаси́ею и с ве́рными слуги́ твои́ми, та́кже со свято́ю му́ченицею княги́нею Елисаве́тою и со все́ми ца́рственными му́ченики и свято́ю му́ченицею Варва́рою. Но я́ко име́я дерзнове́ние ве́лие ко Христу́ Царю́, Его́ же ра́ди и пострада́, моли́ с ни́ми, да отпу́стит Госпо́дь гре́х наро́да, не возбрани́вшаго убие́ние твое́, царя́ и пома́занника Бо́жия, да изба́вит Госпо́дь стра́ждущую страну́ Росси́йскую от лю́тых безбо́жник, за грехи́ на́шя и отступле́ние от Бо́га попу́щенных, и возста́вит престо́л правосла́вных царе́й, на́м же пода́ст грехо́в проще́ние, и на вся́кую доброде́тель наста́вит на́с, да стя́жем смире́ние, кро́тость и любо́вь, и́хже си́и му́ченицы яви́ша, да сподо́бимся Небе́снаго Ца́рствия, иде́же ку́пно с тобо́ю и все́ми святы́ми новому́ченики и испове́дники росси́йскими просла́вим Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.
