шер барои модарон подарок
Шер барои модарон подарок
Хар яки шумо метавонед,ки шеърхои худро дар ин варака нависед,бахри Модарон
________________________________________________________________________
РУБОӢ ВА ДУБАЙТИҲО
Бар мадфани модарам чу гул бигзорам,
Ман мӯи сафеди хешро бишморам.
Чун панҷаи хуршед сарам бинвозад,
Аз панҷаи нарми модарам ёд орам.
* * *
Ёрон ҳама ҷо, вале Ватан дар як ҷост,
Ҳар санги Ватан мисоли ҳайкал зебост,
Олам ҳама ҷо азиз, лекин бар ман
Модар яктост, Тоҷикистон яктост.
* * *
Як мушт зи хоки модари хушназарам,
Мушти дигаре зи хоки поки падарам
Чун ҳадяи вопасинашон бар фарзанд
Резед ба гӯри ман, чу ман даргузарам.
* * *
Модар, модаро, ту ибтидоям будӣ,
Ҳам қимати қомати расоям будӣ.
З-аввал ту намезодӣ, намемурдам ман,
Гӯё ки ту низ интиҳоям будӣ.
* * *
Модар, модаро! Шири сафедам додӣ,
Дунё баумед асту умедам додӣ.
То бар сари ман чӣ ояд аз бешу камӣ,
Ту дар сари гаҳвора навидам додӣ.
* * *
Модар, модар, чаро чунин зодҳ маро?
Дар чорсуи азоб раҳ додҳ маро?
Аз синаи гарми хеш берун кардҳ,
Дар синаи сарди хок бинҳодҳ маро.
* * *
Ҷаҳонеро паи эъҷоз доданд,
Фазоеро паи парвоз доданд,
Чу моро модарон зоданд рӯзе,
Заминро ҳамчу пойандоз доданд.
* * *
Аё модар, мадори ман ту будӣ,
Гули аввалбаҳори ман ту будӣ.
Нахушкад чашмаи шеъру сурудам,
Зи бас сарчашмадори ман ту будӣ.
* * *
Аё модар, ба қурбони ту мирам,
Чу муҳри меҳри паймони ту мирам.
Ҷаҳон пурмакру дастон аст, бигзор,
Ки ман дар рӯи дастони ту мирам.
* * *
Сиришти ман, ниҳоди ман ту будӣ,
Сафои бомдоди ман ту будӣ.
Аё модар, ба он сон бесаводӣ
Нахустин устоди ман ту будӣ.
* * *
Ту хушбахтӣ зи қисмат, хоҳари ман?
Сарафрозӣ ба олам, додари ман?
Замин то осмон розиям аз ту,
Ту аз ман розӣ рафтӣ, модари ман?
* * *
Ҷаҳонсозу ҷаҳонороӣ, эй зан,
Сутуни гунбади миноӣ, эй зан.
На танҳо қалъаи дилҳоӣ, эй зан,
Ки ҳатто қалъаи дунёӣ, эй зан.
* * *
Дилам хоҳад равам бар кӯи модар,
Вуҷудам пур шавад аз бӯи модар,
Тамоми рӯи дунёро бигаштам,
Надидам рӯи хуш ҷуз рӯи модар.
* * *
Сари гӯри ту биншастам даме чанд,
Бигирйистам зи андӯҳу ғаме чанд.
Зи санги сарди болои мазорат
Бипурсидам: баҳои одамӣ чанд?
* * *
Дареғо, модари пирам, дареғо,
Чароғи бахту тақдирам, дареғо.
Ту будӣ бар сарам, будам фалакгир,
Кунун бе ту замингирам, дареғо.
* * *
Туӣ пирам, туӣ тадбири пирам,
Дуоям кун, дуоятро бигирам.
Намемирӣ ту, эй модар, агар ман
Барои модари миллат бимирам!
* * *
Куҷоӣ, модари ҷонпарвари ман,
Худои умри ман, пайғамбари ман.
Сарам дар бистари марг аст имрӯз
Биё аз гӯру биншин бар сари ман
Шер барои модарон подарок
Замину осмони ман туи модар, туи модар,
Чахони беканори ман туи модар, туи модар.
Дар ин дунё, ки бемехриву берахмист бунёдаш,
Ягона мехрубони ман туи модар, туи модар.
Гамамро дар чахон чуз ту касе бехтар намедонад,
Бе ин хам достони ман туи модар, туи модар.
Зи руят нур меборад ба руи зиндагониям,
Чароги дудмони ман туи модар, туи модар.
Гарам шоир намезоди кучо ман шеър мегуфтам,
Газалхои равони ман туи модар, туи модар.
Суруди аввалини ман, суруди охирини ман,
Суруди човидони ман туи модар, туи модар.
Хар кучое ки равам мехри туро
Модарам дар магзи чонам мебарам!
расстроить ее или разбить ее любящее сердце.
У тебя есть только
одна мама.
Ман булбуламу ватан гулистони
манаст,
Чун модари мехрубон нигахбони
манаст.
У буд ки ман зи нести хаст шудам,
Ин
аст ки имони ману чони ман
аст..
Дилам
хоҳад равам бар кӯи модар,
Вуҷудам пур шавад аз бӯи модар,
Тамоми рӯи дунёро бигаштам,
Надидам рӯи хуш ҷуз рӯи модар.
Модар, маро бизоду ба сад ноз парварид.
Аз бахри ман саодату осоише надид.
Бори гарони захмати фарзандро кашид,
То ман забон кушодаму,бо по равон шудам.
Модар! дар чехраи ту мехру сафо мавч мезанад,
Эй шухра дар вафову сафо! мепарастамат,
Дархам шикаста чехраи ту, маъбади Худост,
Эй боргохи кудси Худо мепарастамат.
Модар ту азизу мехрубон бахри мани,
Модар ту бихишти човидон бахри мани.
Модар ту дар ин олами бемехру вафо,
Бахшандаи умри човидон бахри мани
Шеърҳо дар васфи Модар (8-уми март, иди Модарон)
Шеърхо дар васфи Модар барои 8 март иди Модарон – занон оварда мешаванд. Шеърхо дар бораи МОДАР аз сомонаи www.DONISHJU.net >>
ҲАШТУМИ МАРТ
Ба гӯш омад садои Ҳаштуми март,
Ҷаҳон дорад навои Ҳаштуми март.
Сароғози ҳама ҷашни баҳорист,
Ҳавои пурҷилои Ҳаштуми март.
Ҳама зеборухон чун гул шукуфта,
Ба тан карда қабои Ҳаштуми март.
Яке гул, дигаре лутфи хуш орад,
Ба табрик аз барои Ҳаштуми март.
Ҷигарбандаш кунад табрики модар,
Ба ҷону дил сабои Ҳаштуми март.
Кушояд рози дил дилдору дилбар,
Давои ишқ сахои Ҳаштуми март.
Шуморо лутфи Раззоқ армуғон аст,
Ба ҷашни пурсафои Ҳаштуми март.
Идат муборак!
Эй модари ман, Эй меҳрубонам,
Номи хуши ту – Вирди забонам.
Меҳри ту доим Дар ҷисму ҷонам.
Идат муборак! Идат муборак!
Ман дар бари ту Озода растам.
Меҳри дили худ Бар ту бибастам.
Фарзанди дилбанд Баҳри ту ҳастам.
Идат муборак! Идат муборак!
Модар ту биҳишти ҷовидонӣ Модар
Хуршеди баланди осмонӣ модар.
Дар чашми ту нури зиндагонӣ ҷорист
Сарчашмаи меҳри бекаронӣ модар.
Эй кошки то абад намирад модар
Ё ҳастии ҷовидон бигирад модар.
Меҳр аст саросару вуҷудаш то ҳаст
Эй кош ки поён напазирад модар
Чун меҳр, бузургу бенишонӣ модар
Ороми дилу азизи ҷонӣ модар.
Эй кош ҳамеша ҷовидон мебудӣ
Он қадр ки хубу меҳрубонӣ модар
Дар кӯчаи ҷон ҳамеша модар боқист
Дарёи муҳаббаташ чу Кавсар боқист
Дар гӯиши ошиқона, номи модар
Шеърест, ки то абад ба дафтар боқист
Модар аст чашму чароғи зиндагӣ
Модар аст сарчашмаи озодагӣ
Модар аст тасвири ишқу ошиқӣ
Модар аст нақши баланде ҷовидон
Модар аст мақсуди ҳасту буди мо
Модар аст болотарин мавҷуди мо
Модар аст омӯзгори маърифат
Модар аст як оламе аз муҳаббат
Идат муборак!
Эй Модари ҷон, Эй Хуштар аз ҷон.
Дар рӯзи идат, Шеъри маро хон.
Идат Муборак! Идат Муборак!
Бо нури рӯят, Наврӯзи ман ту.
Дар рӯи олам, Дилсӯзи ман ту.
Идат муборак! Идат муборак!
Пайваста бошӣ, Ту бар сари мо.
Эй модари ҷон, Болу пари мо.
Идат Муборак! Идат Муборак!
Меҳри бепоёни Модар зина бод,
Чеҳраи хандони дилбар зинда бод.
Аз Замин рӯяд ҳамора хӯшае,
Дар само хуршеду ахтар зинда бод.
Аз дарахти хушку бебар суд нест,
Майсаву себаргаи тар зинда бод.
Бар диёри нозанини Тоҷикон,
Гармии хуршеди ховар зинда бод.
Дар дили ёрони боаҳду вафо,
Донаи умеди бовар зинда бод.
Аз ҳама ҷои азизу мӯътабар,
Тифлию домони модар зинда бод!
Иди модар
Дар баҳорон иди модар мешавад,
Дидаву дилҳо мунаввар мешавад.
Ҳусни нотакрори фасли навбаҳор,
Бо нигоҳи зан баробар мешавад.
Аз фурӯғи чашми модарҳои мо,
Тоҷикистон ҳамчу ахтар мешавад.
Аз ҳамин модар ба дунё раҳнамо,
Бас бузургони диловар мешавад.
Баҳри фарзанд олами бахти баланд,
Бо дуои дасти модар мешавад.
Дар раҳи тасвири ҳусни модарон,
Ҷумла фарзандаш суханвар мешавад.
Шеър дар васфи зан
Касри заррин бе зани хуб кулбаи вайрона аст,
Дар биёбон баҳри мард оғӯши зан кошона аст.
Бахти ҳар марди накӯ дар зиндагони ин зан аст,
Зиндагӣ гар зан набошад, мардро ғамхона аст.
Зан бубахшад мардро шириниҳои зиндагӣ,
Ҳар кӣ қадри зан надонад аз хирад бегона аст.
Ту монанди замин танҳоӣ, модар,
Ту монанди замин яктоӣ, модар.
Заминро ҳар қадар чун моли меросӣ
Миёни ҳам басо тақсим карданд.
Заминро қитъа-қитъа ҳар қадар фарзандони ту
Барои ҳамдигар тақдим карданд,
Вале як рӯз донистанд –
Замин қисмат нахоҳад шуд.
Замину осмон,
Хуршеду маҳ
Мисли дили ту,
Мисли меҳри ту
Миёни кӯдакон қисмат нахоҳад шуд.
Ҳама хуршеду маҳ доранд,
Ҳама бо худ замину осмон доранд,
Вале аслан маҳу хуршед,
Вале аслан замину осмон
Монанди ту яктою танҳоянд.
Чунон ки ҳар касеро зодгоҳе ҳаст,
Раҳе, сарманзиле меодгоҳе ҳаст,
Вале баҳри ҳама Модар-Ватан яктост,
Ту ҳам аз баҳри мо мисли Ватан яктоӣ, эй модар.
Ту яктоиву дар ҳар ҷо,
Ту танҳоиву ту бо мо.
Туӣ обастани шодӣ,
Туӣ обастани ғамҳо.
Туӣ обастани имрӯз,
Туӣ обастани фардо.
Замину осмон,
Хуршеду маҳ,
Модар-Ватан
Аз он азизастанд,
Ки беҳамтову яктоянд.
Ҳар он чӣ беш аз якто бувад,
Чандон муқаддас нест.
Ту монанди замин танҳоӣ, модар!
Ту монанди замин яктоӣ, модар!
10.5.1966
Лоиқ Шералӣ
Дасти Модар (шеър)
Бо ҳамон дасте, ки шабҳои дароз
Чашми шаҳло карда во аз хоби ноз.
Аллагӯён тифлро хобондаӣ,
То саҳар гоҳворааш ҷунбондаӣ.
Бо ҳамон дасте, ки ширам додаӣ,
Сӯям оғӯшат калон бикшодаӣ.
Бо ҳамон дасте, ки шодам борҳо
Пок кардӣ ашки чашмони маро.
Асои дасти модар бош, фарзанд,
Ки модар баҳри ту болу паре аст.
Давои дарди модар бош, фарзанд,
Бароят доимо тоҷи саре аст.
Дигар шеърҳо:
Шеър дар васфи Модар, шеър дар бораи модар бо забни точики, картинка, Модар шеър, донишчу нет, donishju net, модар шеър, шеър бораи модар, шеър дар бораи модар, шеър дар васфи модар, падар модар шеър, шеър дар бораи падару модар, шеър барои модар, шеър дар бораи модар ва падар, шеър дар васфи падару модар, зодрузи модар шеър, шеър дар бораи зодрузи модар, шеър дар скачать модар, шеър дар васфи модар точики, шеър дар васфи модар бо забони точики, шеър дар бораи модар гариби, шеър дар бораи 8 марта, шеър дар васфи 8 марта, шеър барои 8 март, Ту монанди замин танхои, модар.
Шеър дар бораи МОДАР
Дар ин мақола якчанд шеър дар васфи модар оварда мешавад. Шеърхо дар васфи Модар, шеъри Модар >>>
Меҳри модар
Ба нураш гарчи ин хуршеди ховар
Фаро гирад ҷаҳонеро саросар,
Намегардад валекин он баробар
Ба ин пурқувватӣ бо меҳри модар.
Фақат модар ба ҳар гармову сармо
Ҳамеша бар сари гаҳвораи мо
Накарда мижа таҳ биншаста шабҳо
Калон кард ӯ чу ҷон бигрифта дар бар.
Вуҷудаш чун ба фарзанд аст пайванд,
Варо хонад ба худ ҷону ҷигарбанд.
Агар хоре халад бар пойи фарзанд,
Дили модар шавад маҳзун* муқаррар.
Барои фикру ёди пурумедаш,
Барои ҳурмати мӯйи сафедаш,
Ба ҷон ҳам хизмату ҳурмат кунедаш,
Набошад то ки чашмаш ҳеҷ гаҳ тар.
Модарам
Модарам, эй модари ҷонпарварам,
Пеши поят сар ниҳам, эй сарварам!
Кӯдакам ман дар нигоҳат то ҳанӯз,
Мегузорӣ дасти шавқат бар сарам.
Дӯст медорам туро, то зиндаам,
Бо ҳавасҳои зиёдам зодаӣ.
Ту бароям номи Зебо мондаӣ,
Ту ба ман зебоии худ додаӣ
Раҳнамову раҳкушои ман туӣ
Дар раҳи дури умед эй модарам.
Гашта гесӯи сиёҳи ту сафед,
То шавад бахтам сафед, эй модарам.
Мепарастам ман туро, то зиндаам,
Аз ту мепурсам дуои зиндагӣ.
Модарам, бодо нигаҳбонат худо,
Зинда бошӣ аз барои зиндагӣ!
Шеър барои МОДАР
Модарам, олиҳаи покии ишқ,
Бо дили покиза покам зодаӣ.
Аз вуҷуди поки худ чун меҳри пок
Шири поки модариям додаӣ.
Покият аз пушти поки ту бувад,
Пок оби дидаатро кардаӣ.
Дар лаби домони покат бо азоб
Кӯдакони поки худ парвардаӣ.
Чун сарандози сафеди бастаат
Гашта гесӯи сиёҳи ту сафед.
Ту ба бахти мо сафедиро ҳанӯз
Бо дуои поки худ дорӣ умед.
Шеър дар васфи Падару Модар
Падар гар шӯълаеи чашми замон аст
Вале Модар чароғи хонадон аст
Падар гар давлату ганҷи замон аст
Вале Модар ҷаҳони беканор аст
Падар гар шоҳсутуни зиндагонист
Вале Модар ба дунё ҷовидон аст!
ШЕЪРИ МОДАР
Модари ҷонам,
Шуҳрату шонам,
Пораи ҷонам,
Набзи замонам,
Фахри ҷаҳонам,
Модари ҷонам, Модари ҷонам.
Ахтари моӣ,
Гавҳари моӣ,
Сарвари моӣ,
Ёвари моӣ,
Модари ҷонам, Модари ҷонам.
Рамзи баҳорӣ,
Зеби диёрӣ,
Сулҳшиорӣ,
Муъҷизакорӣ,
Модари ҷонам, Модари ҷонам.
Модари ҷон
Меҳри ту – Модар поён надорад,
Аз ҳастият, дил армон надорад,
Адои қарзам имкон надорад,
Эй Модари ман, ҷон Модари ман.
Пеши пойи ту саҷда меорам,
Бо дуои туст, барори корам,
Ҳастият бошад ба тан мадорам,
Эй Модари ман, ҷон Модари ман.
Агарчанд ҳастанд дӯстон бешумор,
Танҳо ту моро дӯсти вафодор,
Эй кош, то абад монӣ дар канор,
Эй Модари ман, ҷон Модари ман.
Барои мо ту заҳмат кашидӣ,
Гоҳ хурсанд шудӣ, гоҳо ранҷидӣ.
Аз чор фарзандат, бигӯ чӣ дидӣ,
Эй модари ман, ҷон Модари ман.
Бувад чонам фидоят МОДАРИ ЧОН
Бувад ҷонам фидоят модари ҷон,
Фидои хушнидоят модари ҷон.
Бубахшояд сафои зиндагонӣ,
Ба гӯши дил садоят модари ҷон.
Манам шамъу туи парвонаи ман,
Шавам обу адоят модари ҷон.
Тамоми ҳастиям н-арзанда бошад,
Ба як сӯзу навоят модари ҷон.
Ҷаҳоне бо ту дорам бе ту хорам,
Нисорам хоки поят модари ҷон.
Туро дорам ба танҳои дар олам,
Зи Ҳақ лутфу иноят модари ҷон.
Худо фармуд баъд аз тоати хеш,
Намоем аҳсаноят модари ҷон.
Давои ҷони беморам туи-ту,
Дуоям кун кифоят модари ҷон.
Зи тан сад ҷода медӯзам ба ҷоят,
Бигирам то дуоят модари ҷон.
Надидам роҳ сӯи бобу раҳмат,
Ба ҷуз роҳи ризоят модари ҷон.
Нагӯ ҷоно нагӯ асло риёӣ,
Бигӯям аз бароят модари ҷон.
Дилам рӯймолу пок аз чеҳра созам,
Ғубору ғуссаҳоят модари ҷон.
Маҳу хуршед наафшонад зиёе,
Чу қалби порсояд модари ҷон.
Илоҳо номи некат зинда бодо,
Ба дунё то ниҳоят модари ҷон.
Сарафрозии Шукруллоҳ ту бошӣ,
Ба меҳри ҷонфизоят модари ҷон.
МИСЛАТ НАДИДАМ МОДАРАМ
Туӣ дармон ба дарди бедавоям,
Туӣ ороми ҷони бенавоям.
Туӣ ганҷи ниҳони бебаҳоям,
Надидам беҳтаре мисли ту модар.
Ту ҳастӣ роҳкушои рӯзгорам,
Ту ҳастӣ ғамгусору ғамбарорам.
Туӣ бо чашми чор дар интизорам,
Надидам беҳтаре мисли ту модар.
Ту бошӣ зеби ҳавливу дари ман,
Ту бошӣ сояе андар сари ман.
Ту бошӣ ёвару ҳам раҳбари ман,
Надидам беҳтаре мисли ту модар.
Туӣ равшангари шабҳои торам,
Маҳу хуршеди ҳар лайлу наҳорам.
Туӣ сарсабзии ҳусни баҳорам,
Надидам беҳтаре мисли ту модар.
Ту бошӣ саҷдагоҳу қиблагоҳам,
Ба ҷуз меҳрат дигар подош нахоҳам.
Туӣ бахшандаи ҳар як гуноҳам,
Надидам беҳтаре мисли ту модар.
Модар шеър дар бораи Модар Шеърхо дар васфи модар 8 март модар иди модарон точики бо забони точики шеър барои модарчон оча, шеър модарам модар фаришта буд аммо болу пар надошт текст.
Шеърхо дар васфи Забони модари
Ҳамаи шеъҳо дар васфи Забони модари дар ҳамин саҳифа оварда мешавад. Шеър дар бораи Забони модарӣ – забони тоҷикӣ аз сайти www.DONISHJU.net >>
ЗАБОНИ МОДАРӢ
Забони модарам, ҳаргиз туро ман
Нахоҳам кард иваз бар лафзи дигар,
Баробар нест бар ту, ай биҳиштам,
Тамоми ганҷи олам – дурру гавҳар.
Забони тоҷикӣ, эй лафзи шеърӣ,
Зиёдӣ аз ҳазору чорсад сол,
Нахуст овози ту бо шеъри Баҳром
Аён дар тахти Ҷамшед аст то ҳол.
Суруда алларо бо лафзи тоҷик
Ситора аз барои пури Сино,
Абӯрайҳони Берунӣ ба ҳикмат
Туро бинмуд машҳуре ба дунё.
Навохта Рӯдакӣ бас уду барбат,
Намуд аз “Шашмақом”аш нағма ҳар дам.
Ва бо “Шаҳнома”-и Фирдавсии Тус
Бигашта халқи мо машҳури олам.
Бишуд Исмоили Сомонӣ ҳам он гаҳ
Бухороро азимушшаън девор,
Замони тоҷдории бузургон
Мадори халқи мо афзуд бисёр.
Агарчи даҳ саде ин тоҷики ман
Зи тоҷу тахти худ гардид маҳрум,
Забони тоҷикии мо ҳамеша
Буда андар ривоҷу беш маълум.
Ба мисли Саъдию Хайёму Ҳофиз
Кушода дигарон ҳам беш дафтар,
Зи лафзи дилбарият бурда баҳра,
Ба назм оварда онон дурру гавҳар.
Тузукҳоро намуд эҷод Темур
Ба лафзи тоҷикӣ бо ҳиммати беш,
Навишта бо муҳаббат шоҳасарҳо
Улуғбек бо забони модари хеш.
Гаҳе аз дасти манқуртони нопок
Забони модариям, хор гаштӣ,
Зи рӯгардондагон сад ранҷ дидӣ,
Ба як ҳарфи ширине зор гаштӣ
Аминам, ки агар дар рӯи олам
Бимонад тоҷике танҳо, ягона,
Намемирад забони модариям
Ҳамеша зинда асту ҷовидона.
Бипошад офтоб нуру зиёро,
Намуда рӯи оламро мунаввар,
Ягона, баҳри ман ҳастӣ ту танҳо,
Аё эй шамси ман, эй лафзи модар!
Забони модарии мо
Қадимию ҷавонӣ ту,
Хушоҳангу равонӣ ту.
Чу баҳри бекаронӣ ту,
Ба дурру маънӣ конӣ ту,
Забони модарии мо,
Забони модарии мо.
Забони Саъдию Ҳофиз,
Забони Рӯдакӣ ҳастӣ,
Ба мо илму адабомӯз
Зи даври кӯдакӣ ҳастӣ,
Забони модарии мо.
Забони модарии мо.
Шавӣ то боз бурротар,
Хушоҳангу гуворотар,
Туро покиза медорам
Барои ҳурмати модар.
Забони модарии мо,
Забони модарии мо.
ЗАБОНИ МОДАРӢ
Забони модариам-давлати ман,
Ғуруру ифтихору қудрати ман.
Забонам ҳасту ман ҳам зинда ҳастам,
Забони ман нишону миллати ман.
Забонам чашмасори рӯзгор аст,
Тароватбахш монанди баҳор аст.
Чу шеъри Рудакӣ зебою дилкаш,
Мисоли шеъри Ҳофиз ширадор аст.
Бурун ояд забон аз коми модар,
Чу меҳри ноороми модар.
Чу шири модари поку муқаддас,
Азизу мӯътабар чу номи модар.
Забони модарӣ –руди Зарафшон,
Забони модарӣ – лаъли Бадахшон.
Забони модарӣ чун ғунчаи гул,
Забони модарӣ – чун мурғи хушхон.
Забони модарӣ қанду набот аст,
Забони модарӣ маёзи ҳаёт аст.
Забони модараш ҳар кас надонад,
Ҳақиру бенавою бебисот аст.
Забонам! Чун ҳумо парвоз бинмо,
Чу мутриб пардаи дил, соз бинмо.
Забонро ҳар касе покиза дорад,
Дари бахташ, Худоё, боз бинмо!
5 октябр – Рузи забони точики
ЗАБОНИ МОДАРӢ
Калиди дил бувад
Забони модарӣ,
Навиди дил барад
Ба тарзи дигаре.
Тамоми фикри худ
Ба ин забон навис.
Паёми хешро
Ба дигарон навис.
Чи қадр дилкаш аст
Ба вақти гуфтугў.
Сухан ба одамон
Ба лаҳни тоза гў.
Фурўғи анҷуман
Забони модарист.
Шукўҳи ҷумла фан
Забони модарист.
Шеър дар васфи Забони модари, Шеър дар бораи забони модари, точики, забони модарии мо.