маъмуржон тухтасинов биография си
Ўзбекистон хабарлари
Узоқ йиллар жигар церрози билан оғриб, мана шу дард туфайли оламдан ўтган ҳофизнинг ўлими ҳақида бирорта расмий оммавий ахборот воситаларида хабар қилинмади. Бугунги “Ўзбекистон адабиёти ва санъати” газетасигина ҳофиз оиласига икки қаторлик таъзия чоп этди.
Маъмуржон Тўхтасини бетакрор овоз соҳиби ҳамда классик, мақом ва лирик қўшиқлар ижрочиси сифатида Бубур, Машраб ғазаллари билан айтиладиган қўшиқларни жонлантирган, бироқ сўнгги йилларда марказий ТВ орқали қўшиқлари янграмаётган, четда қолаётган санъаткорлардан бири эди.
У сўнгги марта НТТ (Нодавлат телеканаллари тармоғи) орқали 2011 йилда мухлисларга кўриниш берган.
Ўзбекистон Халқ артисти Маъмуржон Тўхтасинов 1958 йил 18 ноябрида Фарғона вилоятининг Олтиариқ туманида туғилган. Олтиариқ болалар мусиқа мактабида таълим олган. 1978-1980 йилларда ҳарбий хизматга чақирилган ва Ички ишлар вазирлиги тизимидаги Икромжон Бўронов раҳбарлик қилган ансамблда ҳарбий хизматни ўтаган.
1981-1985 йилларда Тошкент Давлат маданият институтида таҳсил олган. 1986-1996 йиллар давомида Олтиариқ маданият уйида бадиий раҳбар, мусиқа мактабида ўқитувчи бўлиб ишлаган.
1992 йилда Халқаро Бобур мукофоти совриндори бўлган. 1993 йилда унга “Ўзбекистонда хизмат кўрсатган артист”, 2000 йилда “Ўзбекистон Халқ артисти” унвони берилган.
Кун янгиликлари
Янги қурилган Сўх аэропортида дастлабки синов парвози амалга оширилди
Мазкур аэропорт қуриб битирилгани ва тез орада синов парвози ўтказилиши тўғрисида октябрь ойининг ўрталарида хабар қилинган эди.
Билдирилиишча, Humo Air авиакомпаниясига қарашли Ан-2П йўловчи ташиш самолёти Фарғона халқаро аэропортидан 12:30 да ҳавога кўтарилган ва 13:10 да Сўх аэропортига қўнган.
Сўх аэропортини қуриш учун давлат бюджетидан олти миллиард саккиз юз миллион сўм маблағ ажратилиган.
Аэропорт, 2020 йил, 8 августда президент имзолаган “2020-2021 йилларда Фарғона вилоятининг Сўх туманини комплекс ижтимоий-иқтисодий ривожлантириш чора-тадбирлари тўғрисида” қарор асосида қурилди.
Сўх аҳолиси йиллардан буён Қирғизистон ҳудуди орқали Фарғона вилояти марказига ўтадиган йўл азобини тортиб келаётган эди.
2020 йилнинг майида Ўзбекистон ва Қирғизистон чегарасидаги «Чашма» булоғи устида икки давлат фукаролари ўртасида юзлаб киши иштирок этган оммавий муштлашув содир этилганди.
Бу қонли тўқнашувдан сўнг, Ўзбекистон ҳукумати Сўх тумани билан боғлиқ комплекс чора-тадбирларни амалга ошириш, хусусан аэропорт қуришга қарор қилганди.
Ўзбек армияси жаҳонда қудрати бўйича 51-ўринда
Global Firepower Indexнинг жаҳондаги давлатлар армияларининг 2021 йилдаги қудрати рейтингида (Military Strength Ranking) Ўзбекистон 140 давлат ичида 51-ўринни эгаллади.
Рейтингда қайд этилишича, Ўзбекистон Марказий Осиё давлатлари орасида энг қудратли армияга эга. Рейтингда Қозоғистон 61, Туркманистон 86, Қирғизистон 93, Тожикистон 99-ўринни эгаллади.
Жаҳондаги энг қудратли армияга эга давлатлар учлигидан эса АҚШ, Россия ва Хитой ўрин олди.
Global Firepower Index порталининг билдиришича, давлатлар рейтинги ҳарбийлар сони, техник жиҳозланиш, молиялаштирилиш каби 50 ка яқин омиллардан келиб чиққан ҳолда аниқланади.
Озиқ-овқат нархлари бир йилда 14 фоизга қимматлади
Ўзбекистонда йиллик нисбатда озиқ-овқат нархлари 14 фоизга, 2021 йилнинг 10 ойи ичида эса 7,3 фоизга ўсган. Бу ҳақда Давлат Статистика қўмитаси маълум қилди.
Қўмитанинг билдиришича, бу кўрсаткич 2019-2020 йиллардагига нисбатан анча кам. Жумладан, озиқ-овқат нархлари 2019 йилда 19,5 фоизга, 2020 йилда 17 фоизга ўсган эди.
Расман билдирилишича, октябрь ойида мамлакатда озиқ-овқат маҳсулотлари нархи 1,9 фоизга, ноозиқ-овқат маҳсулотлар нархлари 1,1 фоизга, хизматлар нархи эса 0,5 фоизга қимматлаган. Айни пайтда йиллик инфляция даражаси 10,6 фоизни ташкил қилмоқда.
Қўмита ҳисоботида таъкидланишича, ўтган йилларда ҳам нархлар ошиши борасида озиқ-овқат маҳсулотлари етакчилик қилган. Озиқ-овқат 2019 йилнинг октябрида 2,3 фоизга, 2020 йил октябрида эса 2,8 фоизга қимматлаган.
Диний идора ДХХнинг расмий хабарига раддия берди
Ўзбекистон мусулмонлари идораси Деҳқонободда “жиҳодчилик”да айбланиб қўлга олинган 12 киши орасида масжид имоми бўлгани тўғрисидаги ДХХ расмий хабарига раддия билдирди.
“Ўзбекистон мусулмонлари идораси мутасадди идоралар билан олиб борган мулоқотлари натижасида, ушбу хабарда гуруҳ аъзолари қаторида келтирилган масжид имом ноиби аслида бошқа касб эгаси экани маълум бўлди”,-деб билдирган муфтият матбуотни ёлғон маълумот тарқатганлик учун жавобгарлик борлигидан огоҳлантирди.
Гуруҳ таркибида маҳалла фуқаролар йиғини раиси, ўрта мактаб ўқитувчиси, масжид имом-ноиби, якка тартибдаги тадбиркор ҳамда мавсумий ишчилар борлиги айтилган эди.
Ўзбекистон қишки Олимпия ўйинларига илк йўлланмани қўлга киритди
Ўзбекистонлик чанғичи Комилжон Тўхтаев 2022 йилда Пекинда бўлиб ўтадиган 24-қишки Олимпия ўйинларига йўлланмани қўлга киритди, деб хабар қилди Ўзбекистон чанғи федерацияси.
Тўхтаев қишки Олимпиадада чанғи спортининг “слалом” ва “гигант слалом” йўналишлари бўйича иштирок этади.
Хабарда айтилишича, 2019 йилнинг 1 июлида бошланиб, 2022 йилнинг 16 январида якунланадиган саралаш мусобақалари доирасида тоғ чанғиси бўйича яна бир ўзбекистонлик аёл спортчи қишки Олимпиада учун лицензия олиши мумкин.
Халқаро Олимпия қўмитаси спортнинг бу соҳаси бўйича Ўзбекистонга 2 та квота ажратган.
Комилжон Тўхтаев 2018 йилги қишки Олимпиадада ҳам иштирок этган эди. Ўшанда фигурали учувчи Миша Ге ҳам Ўзбекистон номидан қишки Олимпиадада иштирок этган.
Қишки Олимпия ўйинлари Пекинда 2022 йилнинг 8-20 февраль кунлари бўлиб ўтади.
Туризм ва сервис коллежларидан учтаси Маданий мерос техникумига айлантирилади
“Туризм, маданий мерос ва музейшунослик соҳаларида малакали кадрлар тайёрлашнинг узлуксиз тизимини янада такомиллаштириш чора-тадбирлари тўғрисида”ги мазкур қарор билан Тошкент туризм ва сервис коллежи негизида Университетнинг Тошкент филиали ташкил этиш ҳам кўзда тутилган.
Ҳужжатга мувофиқ, “Ипак йўли” туризм халқаро университети “Ипак йўли” туризм ва маданий мерос халқаро университети этиб қайта номланган.
Университет Шанхай Ҳамкорлик Ташкилотига аъзо давлатларнинг туризм, маданий меросни бошқариш ва музейшунослик соҳаларида кадрлар тайёрловчи таянч олий таълим муассасаси ҳамда ушбу соҳаларни илмий ва инновацион тадқиқ этиш бўйича илмий муассасага айлантирилгани қайд этилган.
Президент қарорига кўра, бундан буён ҳар йили “Ипак йўли” туризм ва маданий мерос халқаро университетига Шанхай Ҳамкорлик Ташкилоти, Мустақил Давлатлар Ҳамдўстлиги ҳамда Туркий тилли давлатлар Ҳамкорлик Кенгашига аъзо мамлакатлар фуқароларига магистратурада давлат гранти асосида таълим олиш учун 85 та ўрин ажратиб берилади.
Вазирлик: Коронавирус қурбонлари сони 1 минг 325 нафарга етди
Соғлиқни сақлаш вазирлиги қайдича, кеча мамлакат бўйлаб 281 киши коронавирусга чалинган, вирус юқтириб олганларнинг умумий сони эса 186 минг 244 нафарни ташкил қилган.
ССВ маълумотига кўра, шу йил 5 июлидан бери 27 минг 638 киши пневмонияга чалинган. Булардан 26 минг 145 нафари соғайиб чиққан, 233 нафари эса вафот этган.
Ўзбек муҳожирларининг Жанубий Кореяга кириши қисман тикланиши мумкин
Ўзбекистондан Жанубий Кореяга меҳнат мигрантларининг кириб келишини қисман тиклаш режаланмоқда. Бу ҳақда Жанубий Корея Инсон ресурсларини ривожлантириш хизмати вице-президенти Ўзбекистон Бандлик ва меҳнат муносабатлари вазирлиги ҳузуридаги Ташқи меҳнат миграцияси агентлигининг Корея Республикасидаги ваколатхонаси раҳбари билан учрашув чоғида билдирган.
Агентлик матбуот хизмати маълумотига кўра, учрашувда меҳнат миграцияси жараёнларини босқичма-босқич тиклаш масаласи кўтарилган.
Даставвал Ўзбекистонда коронавирус билан кунлик зарарланиш ҳолатлари камайганлиги ҳамда ўлкадаги мавжуд вакцина турлари ҳақида батафсил маълумот берилган.
Ўз навбатида, кореялик мулозим ўзбекистонлик мигрантлар кириб келишини қисман тиклаш режаланаётганини айтаркан, бунда биринчи галда тўлиқ эмловдан ўтган, 4 йилу 10 ой Жанубий Кореяда бир корхонада ишлаб қайтган фуқароларни киритиш кўзда тутилганлиги маълум қилган.
Учрашувда танловлар базасида муддат қўшиб берилган фуқароларга иккинчи бор муддат қўшиб бериш бўйича ҳам музокаралар олиб борилган ҳамда мазкур масала Инсон ресурсларини ривожлантириш хизмати томонидан яқин кунларда кўриб чиқилиши қайд этилган.
Ўзбекистонлик муҳожирларнинг Жанубий Кореяга кириши коронавирус пандемияси туфайли тўхтаб қолган эди.
Жорий йилнинг ўтган уч чорагида Ўзбекистонга 18 мингдан зиёд автомобиль импорт қилинди
Жорий йилнинг январь-сентябрь ойларида Ўзбекистонга умумий қиймати 390,2 миллион АҚШ долларига тенг бўлган қарийб 18 минг 150 та енгил автомобил импорт қилинган. Бу ўтган йилнинг шу даврига нисбатан 2 минг 331 тага камдир.
Давлат статистика қўмитаси маълумотига кўра, мазкур автомобиллар дунёнинг 22 та хорижий давлатидан олиб кирилган. Хусусан, Хитойдан 4 минг 981 та, Жанубий Кореядан 4 минг 644 та, Россиядан 3 минг 386 та, Қозоғистондан 2 минг 789 та, Польшадан 997 та, АҚШдан 427 та, Литвадан 427 та, Таиланддан 250 та, Германиядан 93 та, Япониядан 72 та, Туркиядан эса 25 та автомобиль импорт қилинган.
Давстатқўм ўтган тўққиз ой ичида чет элдан 558 та электромобиль сотиб олингани, уларнинг умумий қиймати 10,5 млн. АҚШ долларига тенг бўлганини қўшимча қилган. Бу ўтган йилнинг шу даврига нисбатан билан солиштирилганда 476 тага кўпдир. Ўзбекистонга электромобиль импорти бўйича ҳам Хитой пешқадамлик қилаётгани айтилмоқда.
Ўзбекистонда Россиянинг яна икки университети филиали очилади
Инвестициялар ва ташқи савдо вазирлиги матбуот хизмати маълумотига кўра, йиғилиш Ўзбекистон бош вазирининг ўринбосари С. Умурзоқов ҳамда Россия Федерацияси иқтисодий ривожланиш вазири М. Решетников ҳамраислигида ўтказилган.
“Кун тартиби доирасида иккала мамлакат ўртасидаги савдо-иқтисодий, инвестициявий, саноат, транспорт ва логистика, маданий-гуманитар ҳамкорлиги каби кенг кўламли масалалар кўриб чиқилди”, дейилган вазирлик хабарномасида.
Йиғилишда ҳозирги вақтда Ўзбекистонда Россия университетларининг 15 та филиали фаолият кўрсатаётгани қайд этилиб, юқори малакали кадрлар тайёрлаш, илмий-тадқиқот ва тараққиёт соҳасидаги ҳамкорлик қилиш ҳамда Таълим форуми, Медиа-форум, Россияда Ўзбекистон маданияти кунлари ва бошқа қатор қўшма тадбирларни ўтказиш масалалари кўриб чиқилган.
Ўзбекистон Марказий Осиёда биринчи бўлиб Табиатни муҳофаза қилиш халқаро иттифоқига қўшилди
Маълум қилинишича, Ўзбекистон Марказий Осиёда мазкур иттифоққа қўшилган биринчи, жаҳонда эса 92-давлат бўлди.
Табиатни муҳофаза қилиш халқаро иттифоқи ЮНЕСКО ташаббуси билан 1948 йилда ташкил этилган. Иттифоққа шу кунгача 91 давлат ва 120 та давлат ташкилоти аъзо бўлган эди.
Расман билдирилишча, иттифоқда иштирок этиш Ўзбекистонга Глобал экологик фонд ва Яшил иқлим жамғармаси томонидан экологик лойиҳалар учун грант маблағларини жалб қилиш, шунингдек, табиатни муҳофаза қилиш соҳасидаги стратегик ҳужжатлар ишлаб чиқиш имкониятини беради.
Шахсга доир маълумотларни муҳофаза қилиш бўйича талабларни бузганларга жавобгарлик кучайтирилди
Маъмурий жавобгарлик тўғрисидаги кодексга киритилган ўзгартиришларга асосан, Ўзбекистонда шахсга доир маълумотларни муҳофаза қилиш бўйича талабларни бузганларга жавобгарлик кучайтирилди.
Қонунга асосан, Ўзбекистонда жойлашган техник воситаларда ҳамда шахсга доир маълумотлар базаларида шахсга доир маълумотларни йиғишга, тизимлаштиришга ва сақлашга оид талабларга риоя этмаганларга нисбатан БҲМнинг 7 баравари (1 млн 890 минг сўм), мансабдор шахсларга эса 50 баравари (13 млн 500 минг сўм) миқдорида жарима солинади.
Қонунга асосан, Жиноят кодексига ҳам ўзгартишлар киритилган. Жиноят кодексига киритилган ўзгартишларга асосан, ушбу қонунбузарликлар маъмурий жазо қўлланилгандан сўнг бир йил давомида такроран содир этилган тақдирда, БҲМнинг 150 бараваригача (40 млн 500 минг сўмгача) миқдорда жарима ёки 3 йилгача муайян ҳуқуқдан маҳрум қилиш ёки 2 йилгача ахлоқ тузатиш ишлари жазоси қўлланилади.
Ушбу ўзгартиришлар қонун кучга кирган кундан эътиборан 3 ой ўтгач амалга киритилади.
Деҳқонободда маҳалла фуқаролар йиғини раиси доҳил 12 киши “жиҳодчи”ликда айбланмоқда
ДХХ матбуот хизматининг маҳаллий матбуотга билдиришича, Қашқадарё вилояти бўйича ДХХ бошқармаси ички ишлар ходимлари билан ҳамкорликда Деҳқонобод туманида 12 кишидан иборат “Жиҳодчилар” оқимига мансуб гуруҳни қўлга олди.
“Гуруҳнинг 1969–1995 йиллар оралиғида туғилган 12 нафар аъзоси орасида маҳалла фуқаролар йиғини раиси, ўрта мактаб ўқитувчиси, масжид имом-ноиби, якка тартибдаги тадбиркор ҳамда мавсумий ишчилар бор”,-дейилади расмий билдирувда.
Гуруҳ аъзоларининг уларидан диний мазмундаги аудио-видео материаллар, нашриёти кўрсатилмаган китоблар топилган. Улар экспертизадан ўтказиш учун топширилган.
Ҳозирда мазкур шахсларга нисбатан жиноят иши қўзғатилиб, тергов ҳаракатлари олиб борилмоқда.
Жорий йилнинг июнида Жиззах вилоятининг Ғаллаорол туманида Сурияда “Тавҳид ва жиҳод катибаси” таркибига қўшилишни режалаштираётган гуруҳ қўлга олингани ҳақида вилоят Ички ишлар бошқармаси хабар берган.
Ўтган йили Тошкентда камида 21 киши “Тавҳид ва жиҳод катибаси”га, Тошкент вилоятида 25 киши “Жиҳодчилар” гуруҳига, Сурхондарё вилояти Бойсун туманида ҳам бир неча киши “Жиҳодчилар” гуруҳига алоқадорликда гумонланиб қўлга олингани хабар қилинганди.
Ўзбекистон аҳолисини синов тариқасида рўйхтга олиш 1 ноябрда бошланади
Ўзбекистонда 1-25 ноябрь кунлари синов тариқасида аҳолини рўйхатга олиш тадбири ўтказилади.
Давлат Статистика қўмитасининг билдиришича, синов Андижон вилоятининг Хўжаобод тумани, Тошкент вилоятининг Юқори Чирчиқ тумани, Хоразм вилоятининг Хива шаҳри ҳамда Тошкент шаҳрининг Яшнобод туманида ўтказилади.
Бундан ташқари 1-5 ноябрь кунлари Интернет тармоғи орқали аҳолини синов тариқасида рўйхатга олиш ўтказилиши режалаштирилган. Онлайн тадбирда census.stat.uz ҳаволаси орқали Ўзбекистондаги ва хориждаги барча фуқаролар ихтиёрий қатнашиши мумкин.
Қўмитанинг билдиришича, мазкур тадбир 2023 йилда ўтказиладиган аҳолини рўйхатга олиш жараёнига пухта тайёргарлик кўриш мақсадида ўтказилмоқда.
Президент 2019 йил 5 февралда 2022 йилда аҳолини рўйхатга олиш тўғрисидаги қарорни имзолаган эди. Аммо пандемия оқибатида бу қарор ижроси 2023 йилга қолдирилди.
Ўзбекистонда сўнгги марта аҳоли 1989 йилда рўйхатга олинган эди.
Коронавирусга чалинганлар сони 186 мингга яқинлашди
Ўзбекистонда 30 октябрь ҳолатига кўра, коронавирусга чалинганлар сони 185 963 кишига етди. Соғлиқни сақлаш вазирлигининг билдиришича, бир кунда яна 316 кишида коронавирус аниқланган.
Беморлардан икки киши вафот этиб, жами ўлганлар сони расман камида 1323 нафарни ташкил қилмоқда.
Янги касалланиш ҳолатлари бўйича биринчи учликда Тошкент шаҳри (103 киши), Тошкент вилояти (68 киши) ва Фарғона вилояти (24 киши) бормоқда.
Касалликдан соғайганлар жами 181 675 нафарга етди ва соғайиш кўрсаткичи 98 фоизни ташкил этмоқда.
Вазирлик: Пахта теримида мажбурий меҳнатга йўл қўйган 5 мансабдор жавобгарликка тортилди
Ўзбекистон Бандлик ва меҳнат муносабатлари вазирлиги пахта теримида мажбурий меҳнатга йўл қўйган 5 нафар мансабдор шахс жавобгарликка тортилганини билдирди.
Вазирлик баёнотида улар қандай лавозимдаги шахслар экани ва холатлар Ўзбекистоннинг қайси қисмида аниқлангани ҳақида айтилмаган.
Давлат меҳнат инспекциясига пахта мавсумида мажбурий меҳнат ҳамда меҳнат ҳуқуқлари бузилишига оид жами 128 та мурожаат келиб тушиб, шундан, call марказ орқали 54 та, сайт орқали 15 та, ижтимоий тармоқлар орқали 24 та ҳамда 35 та ёзма мурожаатлар келиб тушган.
Ўтказилган мониторинглар ва мурожаатларни ўрганиш натижасида Давлат меҳнат инспекцияси томонидан меҳнат қонунчилигини бузгани учун 65 нафар мансабдор шахсга жами 198,4 млн сўм миқдорда маъмурий жарима тайинланган.
Вазирликнинг маълум қилишича, пахта-йиғим терими даврида мажбурий меҳнатга йўл қўйганлиги учун 5 нафар мансабдор шахс Маъмурий жавобгарлик тўғрисидаги кодекснинг 51-моддасига асосан жавобгарликка тортилди ва 1 та ҳолат юзасидан тегишли ҳужжатлар судларга киритилди.
Бундан ташқари, 21 та ҳолатда меҳнат шартномаси тузилмагани, 25 та ҳолатда меҳнат шароитлари яратилмагани, 14 та ҳолатда терим пулларининг ўз вақтида тўламаслик фактлари аниқланиб, мансабдор шахслар маъмурий жавобгарликка тортилди.
Шунингдек, аниқланган қонунбузилишларни бартараф этиш юзасидан 48 та ҳолат юзасидан ёзма кўрсатмалар киритилган.
Ўзбекистон Бандлик ва меҳнат муносабатлари вазирлиги мажбурий меҳнат ҳолатларига гувоҳ бўлган шахслардан Давлат меҳнат инспекциясининг 1176 қисқа рақамларига, 71-200-06-00 Ишонч телефонига ҳамда www.dmi.mehnat.uz сайтига мурожаат қилишларини сўрамоқда.
ДХХ қидирувда бўлган «ИШИДчи»ни хориждан Ўзбекистонга олиб келганини билдирди
Ўзбекистон Давлат хавфсизлик хизмати халқаро террористик ташкилотларга алоқадор кўрилиб, қидирувга берилган шахсни хориждан Ўзбекистонга олиб келганини маълум қилди.
ДХХ Ўзбекистонга олиб келинган шахснинг исмини ҳам қайси давлатда қандай қўлга олинганини ҳам очиқламади.
Идора матбуот хизмати хабарига кўра, И.О. 2014 йилнинг февраль ойида мавсумий ишлаш мақсадида Россияга борган ва интернет тармоғи орқали халқаро террористик ташкилотлар аъзолари билан алоқага киришган.
Натижада уларнинг таъсири остида рафиқаси билан бирга 2015 йилнинг март ойида Украина орқали дастлаб Туркияга, сўнгра Сурия ҳудудига ўтиб, «Ислом давлати» халқаро террористик ташкилоти сафига қўшилган.
Ҳозирда И.О.га нисбатан қўзғатилган жиноят иши доирасида тергов ҳаракатлари олиб борилмоқда.
Ўтган ой Давлат хавфсизлик хизмати ходимлари 1999 йилнинг 16 февраль ва 30 март кунлари Тошкент шаҳрида амалга оширилган қўпорувчилик ҳаракатларига алоқадор бўлган ҳамда 23 йилдан буён қидирувда бўлган шахс хорижда қўлга олиб, Ўзбекистонга олиб келгани хабар қилинган эди.
Жиззах ўйингоҳида яна муштлашув, ҳакам 11 футболчига сариқ карточка кўрсатди
Жиззахда «Сўғдиёна» ва «Насаф» футбол жамоалари ўртасилаги футбол ўйини пайти стадионда муштлашув рўй берди.
Ўзбекистон Кубогининг чорак финали доирасида Жиззахда бўлиб ўтган ўйинда «Сўғдиёна» клуби «Насаф»ни қабул қилди.
Учрашув мезбонларнинг 0:1 ҳисобидаги мағлубияти билан тугади.
Мусобоқа якунланганидан кейин футболчилар майдонни тарк этаётганида икки жамоа аъзолари ўртасида келишмовчилик юз берган.
Бунинг оқибатида, футболчилар ўртасида муштлашув юзага келган.
Бош ҳакам жами 11 футболчига сариқ карточка кўрсатди.
Ўзбекистонда футбол мусрбоқаларида муштлашув илк бор бўлаётгани йўқ.
Август ойида Қорақалпоғистоннинг Мўйноқ туманидаги «Орол» стадионида туманнинг «Мўйноқ сити» ва «Жайхун» жамоалари ўртасидаги ўйинда келишмовчилик келиб чиққан ва бош ҳакам қароридан норози бўлган айрим томошабинлар майдонга чиқиб тартибсизлик уюштиришганди.
Икки йил аввал Ўзбекистондаги “Жиззах барс” ҳамда “Зафар” футбол клублари мухлислари ўртасидаги муштлашувда ўнлаб одам жароҳатланган эди.
Юлдуз Усмонова муаллифлик ҳуқуқини бузганликда айбланди, 185 млн. сўм тўлайдиган бўлди
Ўзбекистонлик хонанда Юлдуз Усмонова муаллифлик ҳуқуқини бузгани учун 185 млн сўм тўлайдиган бўлди.
Ўтган ой шоир Йўлчи Рўзиев фуқаролик ишлари бўйича Мирзо Улуғбек туманлараро судига хонанда Юлдуз Усмоновага нисбатан “Хаста бўлма” қўшиғининг шеър муаллифи сифатида муаллифлик ҳуқуқлари бузилишига чек қўйиш, муаллифлик ҳуқуқлари бузилгани учун товон пули ва маънавий зарар ундириш ҳақидаги даъво аризаси билан мурожаат қилган.
Судда тарафлардан низони ўзаро келишиб, ҳал қилиш учун муддат берилган. Аммо суд якунига қадар келишувга эришилмаган.
Фуқаролик процессуал кодекси талабига мувофиқ, Юлдуз Усмонова ихтиёрида ҳал қилув қарори устидан апелляция тартибида шикоят киритиш учун 1 ой муддат мавжуд.
Суд қарори юзасидан Юлдуз Усмоновадан изоҳ олиш имкони бўлмади.
МСК президент сайловининг ниҳоий натижасини эълон қилди. У дастлабки натижа билан бир хил
Сайловнинг якуний натижаларига кўра, амалдаги президент сайловчиларнинг деярли 13 миллиони ёки 80,12% овоз тўплаган.
Иккинчи ўринни 6,63% овоз билан ХДП номзоди Мақсуда Ворисова эгаллаган.
Қолган овозлар номзодоар орасида қуйидагича тақсимланган:
«Миллий тикланиш» партияси номзоди Алишер Қодиров 5,5%);
Экологик партиядан Нарзулло Обломуродов 4,1%);
«Адолат» номзоди Баҳром Абдуҳалимов 3,4%’
Cайлов бюллетенларининг 39 минг 443 таси ёки 0,24 фоизи ҳақиқий эмас, деб топилган.
Сайлов кодексига мувофиқ, президент сайлов натижалари эълон қилинган кундан эътиборан икки ой ичида лавозимга киришади.
Ўзбекистондаги президент сайловини кузатган Европада Хавфсизлик ва Ҳамкорлик Ташкилотининг Демократик институтлар ва инсон ҳуқуқлари бўйича бюросининг кузатувчилар миссияси мамлакатдаги ислоҳотларга қарамасдан, сайловларда ҳақиқий рақобат кузатилмаганини қайд этди.
Йил бошидан бери Ўзбекистонга қиймати 133 млн доллардан зиёд мобил телефон импорт қилинди
Жорий йилнинг январь-сентябрь ойларида Ўзбекистон хориждан қиймати 133,2 млн. AҚШ долларига тенг бўлган 1,9 миллион дона мобил телефон импорт қилган. Бу ўтган йилнинг шу даврига нисбатан 1 миллион 400 минг донага кўпдир.
Давлат статистика қўмитаси қайдича, йилнинг уч чорагида Ўзбекистонга олиб кирилган мобил телефонларнинг умумий қиймати 133,2 миллион AҚШ долларига тенг бўлган. Телефонлар дунёнинг 13 та давлатидан импорт қилинган.
Агар жорий йилнинг дастлабки 8 ойи ичида Ўзбекистонга 1 миллион 600 дона телефон олиб кирилгани эътиборга олинса, биргина сентябрь ойининг ўзида 300 минг дона телефон импорт қилингани маълум бўлади.
Мобил телефонлар энг кўп Хитой (69,6 миллион долларлик) ва Вьетнамдан (49,6 миллион долларлик) сотиб олинган.
Ўзбекистонга телефон импорт қилаётган мамлакатлар орасида Ҳиндистон, Қозоғистон, Бирлашган Араб Амирликлари, Германия, Россия ва Жанубий Корея каби мамлакатлар ҳам бор.
Россияга борган ўзбекистонликлар 15 кунгача қайдсиз юриши мумкин бўлади
Ўзбекистон билан Россия ўртасидаги келишувни ратификация қилиш тўғрисида Россия Ички ишлар вазирлиги томонидан ишлаб чиқилган қонун лойиҳасига мувофиқ, мазкур икки мамлакат фуқароларини чегарадан ўтганидан бошлаб 15 кунгача борган жойида қайддан ўтиш мажбуриятидан озод қилиш кўзда тутилган. Бу ҳақда ТАСС агентлиги хабар қилди.
Қайд этилишича, ҳозирги пайтда бундай имтиёздан Беларусь, Қозоғистон, Тожикистон, Арманистон ва Қирғизистон фуқаролари фойдаланишмоқда.
Мазкур келишув икки мамлакат фуқаролари учун қулайлик яратиши айтилмоқда.
“Келишувнинг амалга оширилиши Россия билан Ўзбекистон ўртасидаги дўстона алоқаларнинг янада ривожланишига кўмаклашади”, дейилган ҳужжатда.
Олдинроқ Озодлик Россия аввал мамлакатга кириши тақиқланган 158 минг нафар ўзбекистонликка нисбатан “миграцион амнистия” ўтказишга қарор қилгани ҳақида хабар берган эди. Шунингдек, россиялик расмийлар ўз мамлакатида ишчи кучи етишмаётгани сабабли Ўзбекистондан минглаб қурувчини ишга жалб этишга қарор қилишган.
Термизда агротехнологиялар ва инновацион ривожланиш институти ташкил этилади
Тупроқ-иқлим шароитидан келиб чиқиб ҳудудларни ихтисослаштириш, экспортбоп ва даромадбоп қишлоқ хўжалиги экинларини етиштиришни ташкил этиш, қишлоқ хўжалигида инновацион ресурстежамкор технологияларни ҳамда рақамлаштирилган агротехнологияларни жорий қилиш бўйича замонавий билимларга эга бўлган кадрлар тайёрлаш, институт ер майдонларида ички ва ташқи бозор эҳтиёжларидан келиб чиққан ҳолда, қишлоқ хўжалиги экинларининг серҳосил, шўр ва қурғоқчиликка, касаллик ҳамда зараркунандаларга чидамли, маҳсулот сифати юқори бўлган нав ва дурагайлари селекцияси ҳамда уруғчилигини йўлга қўйиш, илмий ходимларнинг илғор инновацион технологияларни яратиш бўйича ташаббускорлигини қўллаб-қувватлаш, уларнинг новаторлик ғояларини ишлаб чиқаришга жорий этишга кўмаклашиш ва бошқалар янги ташкил этилаётган институтнинг асосий вазифалари этиб белгиланган.
Қарор билан институтда 2021/2022 ўқув йилидан бошлаб бакалавриат таълим йўналишларида таълимнинг кредит-модуль тизими босқичма-босқич жорий этилади.
Қишлоқ хўжалиги вазирлигига 2022 йил якунига қадар институтда Жаҳон банки маблағлари ҳисобидан талабалар, магистрлар ва илмий изланувчилар ҳамда ёш профессор-ўқитувчиларнинг илмий ишланмалари асосида лойиҳалар стартапларини яратиш ва амалиётга татбиқ этиш билан шуғулланувчи “IT-инкубатор” илмий инновацион маркази ташкил этиш вазифаси топширилган. Институт фаолияти мазкур вазирлик томонидан мувофиқлаштирилиши белгиланган.
Вазир ўринбосари аҳолининг 40 фоизи иссиқлик энергиясидан қарздорлигини иддао қилди
Мулозимга кўра, бугунги кунда иссиқлик таъминоти корхоналарининг газ, электр ва совуқ сувдан қарзи 2,5 триллион сўмни ташкил этяпти.
“Йигирмата иссиқлик таъминоти корхонаси жойларга чиқиб, аҳолига тушунтириш ишларини олиб бормоқда. Иложи бўлмаган ҳолларда ёзма огоҳлантиришлар тақдим этмоқда, суд органларига мурожаат қилиб, мажбурий тартибда ундириш чоралари кўрилмоқда”, деган Қ. Турсунов.
Вазир ўринбосарига кўра, аҳолининг 50-60 фоизи тўлов интизомига амал қилиб келяпти, қолган 35-40 фоиз аҳолига мажбурий чоралар кўрилмаса, тўловни ундириш имконияти чегараланган.
Матбуот анжумани чоғида мулозим мамлакатда иссиқлик тармоқларининг 60 фоизи таъмирталаб аҳволда эканини ҳам урғулаган.
Шу йил август ойида мазкур вазирлик вакили Равшан Жўраев Ўзбекистонда 4 минг километрга узанган марказлашган иссиқлик тармоқларининг 2,5 минг километр бўлган қисми носоз аҳволдалигини очиқлаган эди.
Мулозим ўшанда республика бўйлаб жами 38 минг 382 та кўп квартирали уй борлиги, шундан 19 минг 490 таси марказий ва маҳаллий қозонхоналар, индувидуал иситиш қозонлари, автоном ва голланд печлари орқали иссиқлик энергияси билан таъминлангани, қолган 18 минг 892 та кўп квартирали уй, бошқа турдаги иситиш ускуналари ва қўлбола иссиқлик мосламаларидан фойдаланиб келинаётганини билдирган.
Ўзбекистон Қирғизистоннинг Боткен вилоятида иккита мактаб қуриб беради
Ўзбекистон билан Қирғизистон ҳукуматлари ўртасидаги ўзаро шартнома лойиҳаси доирасида Ўзбекистон Қирғизистоннинг Боткен вилоятида иккита умумтаълим мактабини қуриб беради. Бу ҳақда Қирғизистон парламенти матбуот хизмати маълумот тарқатди.
Мазкур мактаблар қурилиши тўлалигича Ўзбекистон ҳисобидан молиялаштирилиб, Қирғизистон ҳисобига ўтказиб берилади.
Қурилиш учун Боткен туманининг Самарқандек қишлоғидан 0,75 гектар, Лайлак туманининг Марғун қишлоғидан эса 0,30 гектар ер ажратиб берилиши кўзда тутилган.
Аввалроқ Қирғизистон таълим ва фан вазирининг ўринбосари Надира Жусупбекова Самарқандекда қуриладиган мактаб 350 ўринга мўлжалланиши, Марғунда қурилажак мактаб эса 500 ўринли бўлиши ҳақида маълум қилган.
Боткен вилоятида Ўзбекистон томонидан икки мактаб қуриб берилиши бўйича келишувга Фарғона ва Боткен вилояти ҳокимларининг Қирғизистон жанубидаги учрашуви чоғида эришилган.
Ўзбекистон 2017 йил октябрида Ўш шаҳрида Алишер Навоий номидаги 18-сонли янги замонавий мактаб-гимназия биносини қуришни бошлаб, уни 2018 йил 1 сентябрида фойдаланишга топширган эди.
Бундан ташқари, Ўзбекистон Қирғизистон ҳудудида коронавирусга қарши енгил конструкцияли иккита касалхонани ҳам қуриб берган.